حکومت نے عیدالاضحیٰ کی تعطیلات کا اعلان کر دیا

وفاقی حکومت نے 29 جون سے یکم جولائی تک عیدالاضحیٰ کی تعطیلات کا اعلان کیا ہے۔

اسلام آباد: اس حوالے سے کابینہ ڈویژن سیکرٹریٹ نے نوٹیفکیشن جاری کر دیا ہے۔ وزیراعظم نے عیدالاضحیٰ کے موقع پر عام تعطیلات کی منظوری دے دی۔

نوٹیفکیشن کے مطابق، ہفتے میں پانچ دن کام کرنے والے دفاتر کے لیے 29 جون، 30 جون (جمعرات اور جمعہ) اور ہفتے میں چھ دن کام کرنے والے دفاتر کے لیے 29 جون سے یکم جولائی (جمعرات، جمعہ اور ہفتہ) تک تعطیلات کا اعلان کیا گیا ہے۔

سیکشن آفیسر محمد سعد منیر کے دستخط سے نوٹیفکیشن جاری کر دیا گیا ہے۔