زرداری کے خلاف میگا منی لانڈرنگ ریفرنس نیب کو واپس بھیج دیا گیا

اسلام آباد کی احتساب عدالت نے دائرہ اختیار نہ ہونے پر چار ریفرنسز واپس نیب کو بھجوا دئیے۔

اسلام آباد کی احتساب عدالت نے سابق صدر آصف علی زرداری کے خلاف میگا منی لانڈرنگ سمیت چار ریفرنسز واپس قومی احتساب بیورو کو بھجوا دیے۔

عدالت میں آصف زرداری اور دیگر ملزمان کے خلاف جعلی اکاؤنٹس کیس کی سماعت ہوئی۔ عدالت نے چار ریفرنسز نیب کو واپس بھیجے۔

جج محمد بشیر نے تمام فریقین کے دلائل سننے کے بعد اپنا فیصلہ سنایا۔ آصف زرداری کے وکیل فاروق نائیک اور نیب پراسیکیوٹرز عدالت میں پیش ہوئے۔

نائیک نے کہا کہ نیب قانون میں ترامیم کے بعد یہ ریفرنسز عدالت کے دائرہ اختیار میں نہیں آتے۔ انہوں نے مزید کہا کہ احتساب عدالت ریفرنسز پر ٹرائل نہیں کر سکتی۔

آصف زرداری، فریال تالپور، حسین لوائی اور دیگر کے خلاف منی لانڈرنگ ریفرنسز واپس کر دیے گئے۔ منظور قادر اور دیگر کے خلاف پلاٹ الاٹمنٹ ریفرنس بھی نیب کو واپس کر دیا گیا۔

بلال شیخ اور دیگر ملزمان کے خلاف سندھ بینک کا ریفرنس بھی واپس کر دیا گیا۔

پنک ریذیڈنسی ریفرنس بھی نیب کو واپس بھیج دیا گیا۔