By 
بیٹے کی درخواست میں موقف اختیار کیا گیا ہے کہ پرویز الٰہی کو کھانا، ادویات وغیرہ فراہم کرنے کی اجازت نہیں دی جارہی ہے۔
لاہور ہائیکورٹ نے کیمپ جیل کے سپرنٹنڈنٹ کو سابق وزیراعلیٰ پنجاب پرویز الٰہی کو جیل میں سہولیات فراہم کرنے کا حکم دے دیا۔
عدالت نے ہدایات جاری کرتے ہوئے درخواست نمٹا دی۔
جسٹس وحید خان نے پرویز الٰہی کے بیٹے راسخ الٰہی کی درخواست پر سماعت کی۔
درخواست میں موقف اختیار کیا گیا کہ الٰہی سابق وزیراعلیٰ پنجاب اور سینئر سیاستدان ہیں۔ پولیس نے پرویز الٰہی کو ایک جعلی اور من گھڑت مقدمے میں گرفتار کیا۔
پرویز الٰہی کو کھانا، ادویات وغیرہ فراہم کرنے کی اجازت نہیں دی جا رہی۔ عدالت عالیہ کو جیل میں مطلوبہ سہولیات فراہم کرنے کا حکم جاری کرے۔
پیر کو پی ٹی آئی کے صدر اور سابق وزیراعلیٰ پنجاب نے پنجاب اسمبلی میں جعلی بھرتیوں کے کیس کے خلاف اینٹی کرپشن کورٹ میں درخواست ضمانت دائر کر دی۔
عدالت نے پرویز الٰہی کی درخواست پر اینٹی کرپشن حکام کو نوٹس جاری کر دیئے۔
جج خالد محمود بھٹی نے الٰہی کی درخواست ضمانت پر سماعت کی۔ عدالت درخواست کی سماعت 7 جون کو کرے گی۔
