کے پی پولیس نے کالعدم ٹی ٹی پی کے دہشت گردوں کو گرفتار کر لیا

سوات: خیبر پختونخواہ نے پیر کو سوات میں کالعدم تحریک طالبان پاکستان (ٹی ٹی پی) سے وابستہ دو دہشت گردوں کو گرفتار کرلیا۔

ایک پریس کانفرنس سے خطاب کرتے ہوئے کے پی کے انسپکٹر جنرل آف پولیس اختر حیات خان نے کہا کہ ہر سال کسی ‘پڑوسی ملک’ کی طرف سے سوات میں امن و امان کو خراب کرنے کی کوشش کی جاتی ہے۔

کے پی کے آئی جی پی نے کہا کہ عصمت اللہ اور رفیع اللہ عرف جواد نامی ٹی ٹی پی کے دہشت گردوں کو پولیس نے گرفتار کیا۔

ٹی ٹی پی کے دو کارندوں کی گرفتاری کے بارے میں تفصیلات بتاتے ہوئے، کے پی کے آئی جی نے کہا کہ پولیس نے 23 مئی کو بونیر میں دہشت گردوں کی موجودگی کی اطلاع پر آپریشن شروع کیا۔

آئی جی نے بتایا کہ دہشت گردوں کی فائرنگ سے ایک شہری شہید جبکہ وقار خان نامی ایلیٹ فورس کا ایک اہلکار اس کارروائی میں زخمی ہوا۔

عصمت اللہ ٹی ٹی پی کے کارندوں کو محفوظ راستہ فراہم کرنے کی کوشش کر رہا تھا۔ یہ گروپ چارباغ اور منگلور میں سرگرم تھا۔

اختر حیات خان نے مزید کہا کہ رفیع اللہ اپنے خاندان کے ساتھ 2012 میں افغانستان چلا گیا اور وہ ٹی ٹی پی سوات گروپ کی تشکیل کے بعد گزشتہ سال پاکستان واپس آیا۔

آئی ایس پی آر نے بتایا کہ اس سے قبل 24 مئی کو سیکیورٹی فورسز نے جنوبی وزیرستان کے ضلع میں انٹیلی جنس پر مبنی آپریشن میں چھ دہشت گردوں کو ہلاک کر دیا تھا ۔