کوئٹہ میں سکول ٹیچر سمیت تین افراد جاں بحق

فائرنگ کے واقعات میں دو دیگر افراد زخمی بھی ہوئے۔

کوئٹہ (وائس نیوز) صوبائی دارالحکومت میں تین مختلف واقعات میں سکول ٹیچر سمیت تین افراد جاں بحق ہو گئے۔

سریاب روڈ پر ٹیلی فون ایکسچینج کے قریب فائرنگ کے نتیجے میں ایک شخص جاں بحق ہوگیا۔ فیروز آباد کے علاقے میں نامعلوم حملہ آوروں کی فائرنگ سے ایک اور شخص جاں بحق ہوگیا، مقتول کی شناخت گورنمنٹ بوائز مڈل اسکول کے اسکول ٹیچر انعام ربانی کے نام سے ہوئی ہے۔

دوسری جانب ادہر اورک کے علاقے زرغونگر میں تلخ کلامی کے بعد فائرنگ کا تبادلہ ہوا جس کے نتیجے میں ایک شخص جاں بحق اور دو زخمی ہوگئے۔ پولیس کا دعویٰ ہے کہ کیس کی ضرورت کے مطابق تمام جاں بحق اور زخمیوں کو طبی امداد یا پوسٹ مارٹم کے لیے ہسپتال منتقل کر دیا گیا ہے۔

پولیس نے بھی معاملے کی چھان بین شروع کر دی ہے اور شہر میں بڑھتے ہوئے جرائم کی شرح کو کنٹرول کرنے کا عزم ظاہر کیا ہے۔ پولیس نے ملزمان کو گرفتار کر کے انصاف کے کٹہرے میں لانے کا عزم کیا ہے۔