پشاور ہائی کورٹ نے 3 ایم پی او کو کالعدم قرار دے کر تمام گرفتار افراد کو رہا کر دیا

دو رکنی بنچ نے فیصلہ سنایا۔

پشاور: ہائی کورٹ نے بدھ کے روز صوبے بھر کے ڈپٹی کمشنرز کی جانب سے لگائے گئے 3-ایم پی اوز (مینٹیننس آف پبلک آرڈر) کو کالعدم قرار دے دیا۔

عدالت نے گزشتہ روز دلائل مکمل ہونے کے بعد فیصلہ محفوظ کر لیا تھا اور بدھ کو فیصلہ سنانے کا اعلان کیا تھا۔

صوبائی عدالت عظمیٰ نے تھری ایم پی او کے تحت گرفتار ملزمان کی درخواستوں پر فیصلہ سنایا۔

جسٹس اشتیاق ابراہیم اور جسٹس ارشد علی پر مشتمل دو رکنی بنچ نے ڈپٹی کمشنرز کے 3 ایم پی اوز لگانے کے احکامات کو کالعدم قرار دے دیا۔

پاکستان تحریک انصاف کے کارکنوں کو بڑا ریلیف دیتے ہوئے، پی ایچ سی نے 3-ایم پی او کے تحت گرفتار افراد کو رہا کرنے کا حکم دے دیا۔

قبل ازیں خیبرپختونخوا کے ایڈووکیٹ جنرل حامد سجاد نے پی ایچ سی کو بتایا کہ 3-ایم پی او کے تحت تقریباً 2000 افراد کو گرفتار کیا گیا۔

واضح رہے کہ لیڈی ریڈنگ ہسپتال پشاور نے تصدیق کی ہے کہ 9 مئی کو صوبائی دارالحکومت میں پرتشدد مظاہروں میں چار افراد کی جانیں گئیں اور 27 زخمی ہوئے۔

جبکہ سینکڑوں پرتشدد مظاہرین نے الگ الگ دھاوا بول دیا اور ریڈیو پاکستان پشاور کی عمارت کو آگ لگا دی۔ لیڈی ریڈنگ ہسپتال پشاور کے ترجمان نے میڈیا کو خبر کی تصدیق کی۔

حملہ آور ریڈیو پاکستان کا گیٹ توڑ کر عمارت میں داخل ہوئے۔

اطلاعات کے مطابق مظاہرین نے نیوز روم اور ریڈیو اسٹیشن کے دیگر حصوں میں تباہی مچا دی۔

پرتشدد مظاہرین نے منگل کو بھی ریڈیو پاکستان کی عمارت پر حملہ کیا تھا۔