ایپل امریکی ساختہ 5 جی ٹیک پر اربوں ڈالر خرچ کرے گا

ایپل 5 سالوں میں امریکی معیشت میں 430 بلین ڈالر کی سرمایہ کاری کے لیے 2021 میں کیے گئے وعدے کو پورا کرنے کے لیے تیزی سے کام کررہا ہے۔

ایپل نے منگل کو یو ایس ٹیک فرم براڈ کام کے ساتھ ملٹی بلین ڈالر کے تعاون کا اعلان کیا ہے تاکہ تیز رفتار 5 جی ٹیلی کام نیٹ ورکس سے وائرلیس طور پر منسلک ہونے کے لیے "کٹنگ ایج” اجزاء بنائے جائیں گے۔

آئی فون بنانے والی کمپنی نے یہ واضح نہیں کیا کہ وہ براڈ کام اتحاد میں کتنے بلین ڈالر ڈالے گا، لیکن کہا کہ یہ امریکی معیشت میں سرمایہ کاری کے عزم کا حصہ ہے۔

ایپل کے چیف ایگزیکٹیو ٹم کک نے ایک بیان میں کہا، "ہم ایسے وعدے کرنے پر بہت خوش ہیں جو امریکی مینوفیکچرنگ کی ذہانت، تخلیقی صلاحیتوں اور اختراعی جذبے کو بروئے کار لاتے ہیں۔”

ایپل کے مطابق، اس اتحاد میں ریاست ہائے متحدہ امریکہ میں جدید ترین ریڈیو فریکوئنسی اجزاء اور دیگر "جدید وائرلیس کنیکٹیویٹی” حصوں کی ڈیزائننگ اور مینوفیکچرنگ شامل ہوگی۔

سیلیکون ویلی ٹیکنالوجی ٹائٹن کے مطابق، ایپل پانچ سالوں کے دوران امریکی معیشت میں 430 بلین ڈالر کی سرمایہ کاری کے لیے 2021 میں کیے گئے وعدے کو پورا کرنے کے لیے تیزی سے کام کر رہا ہے۔

اس نے کہا کہ ان سرمایہ کاری میں ڈیٹا سینٹرز، کیپٹل پروجیکٹس اور سپلائرز میں ڈالی گئی رقم شامل ہے۔