حیدرآباد میں پرانی دشمنی پر ایک شخص کا قتل

مقتول کی شناخت نصراللہ خاصخیلی کے نام سے ہوئی ہے۔

حیدرآباد (وائس نیوز) حیدرآباد میں جمعرات کو دیر گئے پرانی دشمنی پر ایک شخص کو قتل کر دیا گیا۔

واقعہ ماڈل ٹاؤن قاسم آباد میں پیش آیا جہاں شہداد کوٹ کے نصراللہ خاصخیلی کو نامعلوم افراد نے فائرنگ کر کے قتل کر دیا۔ اطلاع ملنے پر پولیس کی ایک ٹیم جائے وقوعہ پر پہنچی اور لاش کو پوسٹ مارٹم کے لیے اسپتال منتقل کیا۔

پولیس کی ابتدائی تفتیش سے معلوم ہوا کہ پرانی دشمنی کی بنا پر قتل کیا گیا۔