یزمان میں چار لاشوں کی برآمدگی معمہ بن گیا

آئی جی پنجاب نے واقعے کا نوٹس لیتے ہوئے مکمل انکوائری کا حکم دے دیا۔

بہاولپور (وائس نیوز) بہاولپور کے علاقے یزمان میں بدھ کو نامعلوم وجوہات کی بنا پر 4 افراد جاں بحق ہو گئے۔

ریسکیو حکام کے مطابق چک نمبر 102/DB یزامن سے چار افراد کی لاشیں ملی ہیں، تمام جاں بحق افراد کی موت گلے میں گہرے زخموں کے باعث ہوئی۔ جاں بحق ہونے والوں کی شناخت 45 سالہ راشد، 45 سالہ شازیہ، 15 سالہ ابو الرحمٰن، 55 سالہ رحمت بی بی کے نام سے ہوئی ہے۔

پولیس نے لاش کو تحویل میں لے کر مزید قانونی کارروائی کے لیے واقعے کا مقدمہ درج کرکے تفتیش شروع کردی ہے۔

آئی جی پنجاب نے اس واقعہ کا نوٹس لیتے ہوئے واقعہ کی ہر ممکنہ پہلو کی مکمل انکوائری کا حکم دیا۔ آئی جی نے آر پی او بہاولپور کو اس معاملے پر رپورٹ پیش کرنے کا بھی حکم دیا۔ آئی جی کی ہدایت پر پولیس نے معاملے کی تحقیقات کے لیے خصوصی ٹیم تشکیل دے دی ہے.