جسٹس مظاہر نقوی آمدن انکوائری کا سامنا کرنے کو تیار : ذرائع

سپریم کورٹ کے جج کا دعویٰ ہے کہ وہ ایماندارانہ ذرائع سے کمائی گئی تمام جائیدادوں کے مالک ہیں۔

اسلام آباد: سپریم کورٹ کے جج جسٹس مظاہر نقوی کے خاندان کے ذرائع نے نجی ٹی وی کو بتایا ہے کہ جسٹس نقوی آمدن سے زائد اثاثے رکھنے کے الزامات کے بعد انکوائری کا سامنا کرنے کے لیے تیار ہیں۔

"اگر چیف جسٹس آف پاکستان ایک انکوائری کمیٹی تشکیل دیتے ہیں تو جسٹس مظاہر علی اکبر نقوی اپنے دفاع میں تمام معاون ریکارڈ کے ساتھ اس کے سامنے پیش ہونے کو تیار ہیں‘‘۔

سابق وزیراعلیٰ پرویز الٰہی سے پہلی بات چیت

10 ستمبر 2022 کو خاندانی ذرائع نے بتایا کہ جسٹس نقوی اپنے پوتے کے ساتھ شادمان ٹاؤن میں سرکاری گاڑی میں سفر کر رہے تھے کہ ٹریفک وارڈن نے گاڑی روک دی۔

جج کے اپنا تعارف کرانے کے باوجود، ٹریفک وارڈن نے اصرار کیا کہ وہ گاڑی سے اتر جائیں۔

ایک گھنٹے بعد ہی سابق وزیر اعلیٰ چوہدری پرویز الٰہی کے پرنسپل سیکرٹری محمد خان بھٹی نے جسٹس نقوی کو فون کیا۔

انہوں نے کہا کہ وزیراعلیٰ ان سے ملنا چاہتے ہیں کیونکہ وہ ذاتی طور پر شادمان واقعہ پر معافی مانگنا چاہتے ہیں۔

تاہم سپریم کورٹ کے جج نے چیف منسٹر سے ان کے گھر پر ملنے سے انکار کردیا۔

بعد ازاں وزیراعلیٰ پنجاب چوہدری پرویز الٰہی، ان کے پرنسپل سیکرٹری محمد خان بھٹی، آئی جی پنجاب پولیس فیصل شاہکار، سی سی پی او غلام محمود ڈوگر، ڈی آئی جی آپریشنز افضل کوثر، سی ٹی او منتظر مہدی، ایس ایس پی آپریشنز مستنصر فیروز اور ٹریفک وارڈن محمد اشفاق نے جج نقوی کے گھر کا دورہ کیا، "ذرائع نے انکشاف کیا اور مزید کہا کہ ملاقات صرف 10 منٹ تک جاری رہی۔

خاندانی ذرائع نے بتایا کہ جسٹس نقوی کا پرویزالٰہی کے خاندان میں سے کسی سے کوئی تعلق نہیں ہے، خاص طور پر چوہدری پرویز الٰہی اور مونس الٰہی سے۔

ذرائع نے مزید کہا کہ چوہدری پرویز الٰہی کی ایک ٹیلی فون کال جس میں اپنے وکیل کو ہدایت کی گئی تھی کہ وہ اپنے قریبی ساتھی محمد خان بھٹی کا کیس جسٹس نقوی کی عدالت میں طے کریں، اسے سوشل میڈیا پر پوسٹ کیا گیا۔

ذرائع نے دعویٰ کیا کہ سابق وزیر اعلیٰ نے ایک بار اپنے بڑے بھائی کے انتقال پر جسٹس نقوی سے تعزیت کا اظہار کرنا چاہا لیکن انہوں نے ان سے ملنے سے انکار کر دیا۔

جسٹس نقوی کی بیٹی کے برطانیہ میں زیر تعلیم ہونے سے متعلق الزامات پر خاندانی ذرائع نے انکشاف کیا کہ جسٹس نقوی کے ذاتی اکاؤنٹس سے تقریباً 22 ہزار پاؤنڈز کی ٹرانزیکشنز ہوئیں۔ ذرائع نے بتایا کہ اسٹیٹ بینک آف پاکستان سے اجازت کے بعد 2022 میں دو قسطوں میں ادائیگیاں کی گئیں۔

لاہور میں اب زیر تعمیر چار کنال کے گھر کی تعمیر کے الزامات پر، خاندانی ذرائع نے بتایا کہ جسٹس نقوی نے 2.5 کنال کے دو گھر ڈیفنس ہاؤسنگ سوسائٹی، فیز II  گوجرانوالہ، اور 144-E-1 گلبرگ III لاہورمیں بیچ  کر نئے گھر کی تعمیر کے لیے نئی زمین خریدی۔

خاندانی ذریعہ نے دعویٰ کیا کہ ان کے پاس سیلز ڈیڈز اور ٹیکس ڈیکلریشنز ہیں جن میں جج اور ان کے خاندان کے پلاٹوں اور مکانات کی تمام مطلوبہ تفصیلات موجود ہیں۔

اپنے بیٹوں کے کاروبار کے بارے میں، خاندانی ذرائع نے بتایا، "دونوں بیٹے امریکی تعلیم یافتہ وکیل ہیں اور مشترکہ طور پر ایک قانونی فرم چلاتے ہیں جو بین الاقوامی اور ملکی مقدمات میں معاونت فراہم کرتی ہیں ۔”

"اس کی آمدنی میں غلط کام کا کوئی عنصر نہیں ہے کیونکہ قانونی فرم سیکڑوں مقدمات کو نمٹاتی ہے اور حال ہی میں، اس نے اورنج لائن کے نو ثالثیوں کا کیس لڑا جس سے لاکھوں ڈالر کمائے گئے۔ انہوں نے وہ تمام مقدمات جیت لیے،‘‘ ذرائع نے بتایا