پی ٹی آئی نے ‘جیل بھرو’ تحریک کا شیڈول جاری کر دیا

22 فروری سے یکم مارچ تک پی ٹی آئی کے 200 کارکن روزانہ خود سپردگی کریں گے۔

لاہور: پاکستان تحریک انصاف نے 22 فروری سے شروع ہونے والی ‘جیل بھرو’ تحریک کے شیڈول کا اعلان کیا ہے، جس کے تحت یکم مارچ تک روزانہ 200 پارٹی کارکن رضاکارانہ طور پر گرفتاری دیں گے۔

تحریک کا آغاز لاہور سے ہو گا اور رضاکاروں کی فہرست پہلے ہی تیار کر لی گئی ہے۔

سابق اراکین قومی و صوبائی اسمبلی کا چھ رکنی گروپ بھی خود کو گرفتاری کے لیے پیش کرے گا۔

شیڈول کے مطابق پی ٹی آئی کے کارکن 23 فروری کو پشاور، 24 کو راولپنڈی، 25 کو ملتان، 26 کو گوجرانوالہ، 27 کو سرگودھا، 28 کو ساہیوال اور یکم مارچ کو فیصل آباد میں خود سپردگی کریں گے۔

پی ٹی آئی قیادت نے کہا کہ حکام نے انہیں سلاخوں کے پیچھے نہ ڈالا تو دھرنا دیں گے۔