بھارتی اداکار نے اذان کے احترام میں پریس کانفرنس روک دی

معروف اداکار کرن کندرا نے اذان کے احترام میں کے ٹی وی کی پریس کانفرنس کو روک دیا

چند روز قبل کے ٹی وی میں بھارتی اداکار کرن کندرا نے پریس کانفرنس کے دوران اذان کے احترام میں خاموش رہنے کی ہدایت کی تھی تاہم ان کی ویڈیو اب سوشل میڈیا پر گردش کر رہی ہے۔
ویڈیو میں دیکھا جا سکتا ہے کہ کرن کندرا اپنے نئے آنے والے ڈرامہ سیریل ’تیرے عشق میں گھائل‘ کی پریس کانفرنس میں مصروف تھے کہ اس دوران اذان شروع ہو گئی۔کرن کندرا نے اذان کے احترام میں ساتھی اداکارہ کو خاموش رہنے کی ہدایت کی۔اذان مکمل ہونے کے بعد انہوں نے دوبارہ پریس کانفرنس کو شروع کیا۔
ان کی وائرل ویڈیو کو بے حد مقبولیت حاصل ہوئی ہے اور ان کے اس عمل کو سراہا جا رہا ہے۔