کرکٹ اسٹار شاداب خان شادی کے بندھن میں بندھ گئے

شاداب خان نے سوشل میڈیا پر قلا پہنے اپنی تصاویر شئیر کیں اور اپنی زندگی کے نئے سفر کے آغاز کے لیے دعابھی کی

قومی کرکٹ ٹیم کے آل راؤنڈر شاداب خان ثقلین مشتاق کی بیٹی سے رشتہ ازدواج میں منسلک ہوگئے ہیں۔اپنی بارات کے روز دلہا بنے انہوں نے اپنی تصاویر سوشل میڈیا پر مدّاحوں کے ساتھ شئیر کیں۔
اس موقع پر انہوں نے لکھا کہ الحمد للہ آج میرے لیے اور میری فیملی کے لیے بہت مبارک دن ہے،آج میری بارات ہے۔ امید ہے کہ میں اپنی بہترین بیوی کے لیے اچھا شوہر ثابت ہوں گا۔
مدّ احوں کا شکریہ ادا کرتے ہوئے ان کا کہنا تھا کہ میری فیملی کی پرائیو یسی کا خیال رکھنے کے لیے سب کا بہت بہت شکریہ۔
یاد رہے کہ اس سے قبل قومی کرکٹ ٹیم کے ستارے حارث رؤف،شان مسعود اور شاہین شاہ آفریدی بھی شادی کے بندھن میں بندھ چکے ہیں۔