عمران ریاض خان کو رہا کر دیا گیا

وفاقی تحقیقاتی ادارے (FIA) نے کہا کہ عمران ریاض خان کو جمعرات کو لاہور ایئرپورٹ پر "نفرت انگیز تقریر اور تشدد کو ہوا دینے والا بیان دینے کے الزام میں گرفتار کیا گیا تھا۔

عدالت نے ایف آئی اے کی 14 روزہ ریمانڈ کی درخواست پر کیس کا محفوظ کیا گیا فیصلہ سناتے ہوئے عمران ریاض کو کیس سے بری کرتے ہوئے رہا کرنے کا حکم دے دیا۔

اس سے قبل عمران ریاض کو جوڈیشل مجسٹریٹ لاہور کی عدالت میں پیش کیا گیا۔عمران ریاض کے وکیل میاں علی اشفاق نے عدالت کے روبرو اپنے دلائل میں ایف آئی اے کے 14 روزہ جسمانی ریمانڈ کے مطالبے کی مخالفت کرتے ہوئے کہا کہ حکومت کے خلاف اظہار خیال پر غداری کا مقدمہ درج نہیں کیا جا سکتا۔
ایف آئی اے کے وکیل نے کہا کہ عمران ریاض ایک کانفرنس میں سرعام نفرت انگیز تقریر کرنے میں ملوث پایا گیا جو ایف آئی اے سائبر کرائم سیل کے علاقائی دائرہ اختیار میں آتا ہے۔

شکایت میں کہا گیا کہ تقریر کو مزید عوامی طور پر قومی اور بین الاقوامی سطح پر سوشل میڈیا پلیٹ فارمز پر شیئر کیا گیا۔

عدالت نے فریقین کے دلائل سننے کے بعد کیس کا فیصلہ محفوظ کر لیا۔

عمران ریاض کو ایف آئی اے سائبر کرائم ونگ نے لاہور ایئرپورٹ پر اس وقت روکا اور گرفتار کیا جب وہ متحدہ عرب امارات جانے کی کوشش کر رہے تھے۔