پنجاب کی نگران کابینہ کا تنخواہ اور سرکاری گھر لینے سے انکار

پنجاب کی نگران کابینہ نے رضاکارانہ طور پر تنخواہ اور سرکاری گھر لینے سے انکار کر دیا

نگران وزیر ِ اعلی پنجاب محسن نقوی کی زیر ِ صدارت صوبائی کابینہ کا پہلا اجلاس منعقد ہوا۔اجلاس میں عام انتخابات کے شفاف اور پر امن انعقاد کو یقینی بنانے کا عزم کیا گیا۔
اجلاس میں شہید پولیس اہلکاروں کی بیواؤں کے لیے مالی امداد 2500 سے بڑھا کر 25,000 کی منظوری دی گئی۔اس کے علاوہ شہداء کے بچوں کو پولیس میں بھرتی کرنے کے لیے محکمانہ رولز میں نرمی کا فیصلہ کیا گیا۔
اجلاس کے دوران لینڈ مافیا اور قبضہ گروپوں کے خلاف بلا امتیاز کاروائی کا فیصلہ بھی کیا گیا۔