فواد چوہدری کو بغاوت پر گرفتار کیا گیا: اسلام آباد پولیس کا بیان

پاکستان تحریک ِ انصاف کے رہنما فواد چوہدری کو حراست میں لینے کے بعد اسلام آباد پولیس نے بیان دیا ہے کہ فواد چوہدری نے آئینی اداروں کے خلاف شر انگیزی پیدا کرنے اور لوگوں کے جذبات مشتعل کرنے کی کوشش کی ہے

اسلام آباد پولیس نے گزشتہ رات فواد چوہدری کو ان کی رہائش گاہ سے گرفتار کر لیاجس کے بعد انہیں اسلام آباد میں منتقل کر دیا گیا ہے۔اسلام آباد پولیس نے فواد چوہدری کی گرفتاری کی تصدیق کرتے ہوئے سوشل میڈیا پر بیان دیا ہے کہ آئینی ادارے کی درخواست پر پی ٹی آئی رہنما فواد چوہدری کے خلاف مقدمہ درج کیا گیا۔سیکرٹری الیکشن کمیشن آف پاکستان کی درخواست پر تھانہ کوہسار میں مقدمہ درج کیا گیا۔فواد چوہدری نے چیف الیکشن کمشنر اور ممبران کو ان کے فرائض ِ منصبی سے روکنے کے لیے ڈرایا دھمکایا۔

فواد چوہدری نے آئینی اداروں کے خلاف شرانگیزی پیدا کرنے اور لوگوں کے جذبات مشتعل کرنے کی کوشش کی ہے۔

مقدمے پر قانون کے مطابق کارروائی عمل میں لائی جارہی ہے۔
2/2#ICTP

— Islamabad Police (@ICT_Police) January 25, 2023