وزیر اعظم کا نوجوانوں کےلئے 75 لاکھ روپے تک قرض سکیم کا اعلان

وزیر اعظم شہباز شریف کا نوجوانوں کےلئے قرض سکیم کا اعلان کر دیا جس سے 5 لاکھ سے 75 لاکھ تک کا قرضہ لیا جا سکتا ہے۔

قرض سکیم کی وضاحت کرتے ہوئے شہباز شریف کا کہنا تھا کہ 500,000 روپے تک کا قرضہ سود سے پاک ہوگا اور اسے تین سال میں واپس کیا جا سکتا ہے۔ جو لوگ 500,000 سے 15 لاکھ روپے تک قرض لیتے ہیں ان سے 5 فیصد سود لیا جائے گا اور وہ اسے 7 سال میں واپس کر سکتے ہیں۔
انہوں نے مزید کہا کہ 15 لاکھ سے 75 لاکھ روپے قرض لینے والے افراد 7 فیصد سود ادا کریں گے اور ادائیگی کی مدت 8 سال ہے۔