فواد چوہدری کے خلاف دائر مقدمے کی تفصیلات

لاہور: پاکستان تحریک ِ انصاف کے رہنما فواد چوہدری کو گرفتار کیے جانے پر ان کے خلاف دائر مقدمے کی تفصیلات سامنے آگئیں

اسلام آباد پولیس نے کل رات پاکستان تحریک ِ انصاف کے رہنما فواد چوہدری کو ان کے گھر سے حراست میں لے لیا۔فواد چوہدری کی گرفتاری پر ان کے خلاف مقدمے کی تفصیلات سامنے آگئی ہیں۔
گزشتہ رات پی ٹی آئی رہنما فواد چوہدری کے خلاف مقدمہ سیکرٹری الیکشن کمیشن عمر حمید کی درخواست پر تھانہ کوہسار میں درج کیا گیا۔درخواست میں کہا گیا ہے کہ فواد چوہدری نے کہا تھا کہ الیکشن کمیشن کی حیثیت ایک منشی کی ہو گئی ہے،جو لوگ نگران حکومت میں لگ رہے ہیں ان کا سزا ہونے تک پیچھا کریں گے۔حکومت میں شامل لوگوں کو ان کے گھروں تک چھو ڑ کر آئیں گے۔الیکشن کمیشن،ان کے ممبران اور ان کے خاندانوں کو بھی خبردار کرتے ہیں۔
دوسری جانب پاکستان تحریک ِ انصاف نے فواد چوہدری کی گرفتاری کے خلاف عدالت سے رجوع کرنے کا فیصلہ کیا ہے۔