گوادرحق دو تحریک کے رہنما مولانا ہدایت الرحمٰن کو گرفتار کرلیا گیا۔

بلوچستان کے بندرگاہی شہر گوادر میں ’حق دو تحریک‘ کے 2 مہینے تک جاری رہنے والے دھرنے اور احتجاج کی قیادت کرنے والے رہنما اور جماعت اسلامی بلوچستان کے جنرل سیکریٹری مولانا ہدایت الرحمٰن کو گرفتار کرلیا گیا۔

مولانا ہدایت الرحمٰن نے چند روز قبل گرفتاری دینے کا اعلان کیا تھا اور آج صبح گرفتاری دینے کے لیے عدالت پہنچ گئے جہاں پولیس نے عدالت کے احاطے سے انہیں گرفتار کرلیا۔

گوادر پولیس نے حق دو تحریک کے رہنما مولانا ہدایت الرحمٰن کے خلاف قتل، اقدام قتل، لوگوں کو تشدد کے لیے اکسانے اور دیگر الزامات کے تحت مقدمہ درج کیا ہے۔

دوسری جانب، بلوچستان بار کونسل نے گوادر ڈسٹرکٹ اینڈ سیشن کورٹ کے احاطے سے مولانا ہدایت رحمٰن بلوچ کی گرفتاری کی شدید الفاظ میں مذمت کی۔

Maulana Hidayat ur Rehman Arrested Before Going into Court Hearing | Exclusive Footage سربراہ حق دو تحریک مولانا ہدایت الرحمنٰ کو گوادر کی عدالت سے پولیس نے گرفتار کرلیا#gawadarbalochistan #gawadar #balochistanpolice #maulanahidayatulrehman pic.twitter.com/n4crIXnu27

— Daily Qudrat ( Pakistan Latest News ) (@DailyQudrat) January 13, 2023