آسٹریلیا کا افغانستان کے خلاف کرکٹ سیریز سے دستبردار ہونے کا فیصلہ

آسٹریلیا نے طالبان کی جانب سے خواتین پر اعلی تعلیم کے حصول پرپابندی عائد کرنے پر افغانستان کے خلاف ون ڈے سیریز کھیلنے سے انکار کر دیا

کرکٹ آسٹریلیا کے مطابق افغانستان اور آسٹریلیا کے درمیان ون ڈے سیریز کا انعقاد مارچ میں ہونا تھا۔سیریز کے انعقاد سے قبل ہی آسٹریلیا کرکٹ نے افغانستان کے ساتھ ون ڈے سیریز کھیلنے سے انکار کر دیا ہے۔آسٹریلیا کرکٹ ٹیم کا کہنا ہے کہ حکومت سے مشاورت کے بعد فیصلہ ہوا کہ اس وقت کرکٹ کھیلنا ممکن نہیں۔ان کا کہنا ہے کہ طالبان کی جانب سے خواتین کی اعلی تعلیم پر پابند ی کے بعد فیصلہ کیا گیاہے۔خواتین کی تعلیم پر پابندی عائد کر دی گئی ہے،انہیں پارکس اور جم جانے کا بھی موقع فراہم نہیں کیا جاتا۔آسٹریلیا کرکٹ ٹیم خواتین کے کھیلوں میں بھی حصہ لینے کی حمایت کرتا ہے۔