خطرے کی گھنٹی : کورونا کے نئے ویرئینٹ کی پاکستان میں تصدیق

چین میں کورونا کے نئے ویرئینٹ اومی کرون (ایکس بی بی) کے سب ویرئینٹ کی پاکستان آمدکی تصدیق

قومی ادارہ صحت اور آغا خان یونیورسٹی کے ماہرین نے چین میں پائے جانے والے کورونا کے نئے ویرئینٹ اومی کرون (ایکس بی بی) کے سب ویرئینٹ کی پاکستان آمد کی تصدیق کی ہے۔ماہرین کا کہنا ہے کہ جینوم سیکونسنگ سے ایکس بی بی ویر ئینٹ کا پتا لگایا گیا ہے۔تاہم پاکستان میں کورونا کے بی ایف 7 کی تصدیق نہیں ہوئی جو تیزی سے پھیلتا ہے۔
ماہرین نے کہا ہے کہ پاکستان کو دونوں ویر ئینٹس کا خطرہ نہیں ہے،پاکستانیوں کی قوتِ مدافعت بہت بہتر ہے۔پاکستان میں آج کورونا کے 15 کیسز سامنے آئے ہیں جب کہ مثبت شرح اعشاریہ 40 فیصد رہی ہے۔
ماہرین نے یقین دہانی کراتے ہوئے کہا ہے کہ پاکستان میں کورونا سے چین جیسی صورتِ حال پیدا ہونے کا فی الحال خطرہ نہیں ہے۔