قومی سلامتی کمیٹی کے اجلاس میں دہشت گردی سے نمٹنے کے عزم کا ارادہ کیا گیا

وزیرِ اعظم شہباز شریف کی زیرِ صدارت قومی سلامتی کا 40 واں اجلاس منعقد ہوا جس میں دہشت گردی سے نمٹنے کے عظم کا ارادہ کیا گیا

وزیرِ اعظم شہباز شریف کی زیرِ صدارت قومی سلامتی کمیٹی کا 40 واں اجلاس منعقد ہوا جس میں فیصلہ کیا گیا کہ ملکی امن و امان پر کوئی سمجھوتہ نہیں ہو گا۔دہشت گرد ملک و قوم کے دشمن ہیں،دہشت گردی کے خلاف کاروائیاں جاری رہیں گی۔اجلاس کے بعد جاری اعلامیہ میں بتایا گیا کہ اجلاس میں وفاقی وزرا،چئیر مین جوائنٹ چیف آف سٹاف کمیٹی،تینوں سروسز چیفس اور اینٹلی جینس اداروں کے سربراہان نے شرکت کی۔اجلاس نے قرار دیا کہ ’قومی سلامتی‘ کا تصور معاشی سلامتی کے گرد گھومتا ہے اور یہ کہ معاشی خود انحصاری اور خود مختاری کے بغیر قومی خود مختاری اور وقار پر دباؤ آتا ہے۔
وزیرِ اعظم شہباز شریف نے کہا کہ دہشت گردی کے خلاف جنگ کی قیادت وفاقی اور صوبائی حکومتیں نیشنل ایکشن پلان کے مطابق کریں گی،سماجی و اقتصادی ترقی کو ترجیح دی جائے گی۔وفاقی وزیرِ خزانہ اسحاق ڈار نے اجلاس کو ملک کے معاشی استحکام کے حوالے سے بریفنگ دی۔مزید اجلاس میں قومی سلامتی کمیٹی نے ملک میں دہشت گردی کے خلاف زیرو ٹالرنس پالیسی کے عزم کا اعادہ کیا۔