By 
حکومت پاکستان نے شہریوں کو آسان اقساط پر اسمارٹ فونز فراہم کرنیکا اعلان
اسلام آباد میں اسمارٹ فون فار آل کے عنوان سے ہونے والی تقریب سے خطاب کرتے ہوئے وفاقی وزیر برائے انفارمیشن ٹیکنالوجی امین الحق نے بتایا کہ اس اسکیم کے تحت ہر فرد بیس سےتیس فیصد ادائیگی پرکوئی بھی موبائل فون حاصل کرسکےگا۔ اس پروگرام کے تحت شہریوں کو ایک لاکھ روپے تک کے اسمارٹ فونز آسان اقساط پر فراہم کیے جائیں گے ۔انہوں نے بتایا کہ اسمارٹ فونز کو اقساط میں لینے کے لیے کسی ضمانت یا کاغذی کارروائی کی ضرورت نہیں ہوگی،
بلکہ صرف شناختی کارڈ پرموبائل فون کا حصول ممکن ہوگا۔ اسمارٹ فون فار آل اسکیم کے تحت دس ہزار سے ایک لاکھ روپےمالیت کے اسمارٹ فونز تین سے بارہ ماہ کی اقساط میں دیے جائیں گے۔انہوں نے کہا کہ اگر کسی فرد کی جانب سے اقساط کی ادائیگی نہیں کی گئی ،تو فون کو لاک کردیا جائے گا ،جس کے بعد وہ دنیا میں کہیں بھی استعمال نہیں ہوسکے گا
